Skip to main content

ஊடகவியலாளரும் சமூக செயற்பாட்டாளருமான எம்.எல். லாபிர் காலமானார்

 

- ஸ்ரீலங்கா முஸ்லிம் மீடியா போரம் ஆழ்ந்த அனுதாபம்

யாழ்ப்பாணத்தைச் சேர்ந்த ஊடகவியலாளரும் ஸ்ரீலங்கா முஸ்லிம் மீடியா போரத்தின் யாழ் மாவட்ட இணைப்பாளரும் சமூக செயற்பாட்டாளருமான சகோதரர் எம்.எல். லாபிர் அவர்கள் நேற்று (22.08.2021) தனது 72 ஆவது வயதில் காலமானார், இன்னா லில்லாஹி வஇன்னா இலைஹி ராஜிஊன்.

வட மாகாணத்திலிருந்து முஸ்லிம்கள் வெளியேற்றப்பட்டதையடுத்து மாவனல்லையில் குடியேறி வாழ்ந்து வந்தார் சகோதரர் லாபிர். யுத்தம் முடிவுற்ற பின்னர் மீண்டும் தனது சொந்த மண்ணுக்குத் திரும்பிய அவர், பல்வேறு சமூகப் பணிகளில் முனைப்புடன் ஈடுபட்டு வந்தார். குறிப்பாக, யாழ் மாவட்டத்தையும் தெற்கிலிருக்கின்ற முஸ்லிம் சிவில் அமைப்புகளையும் ஒன்றிணைக்கின்ற பணியில் கணிசமானளவு பங்காற்றினார்.

ஒளி” எனும் சஞ்சிகையின் மூலம் ஊடகத் துறையில் பிரவேசித்த இவர், வீரகேசரி, தமிழ் மிரர், மெட்ரோநியூஸ், விடிவெள்ளி, நவமணி ஆகிய பத்திரிகைகளின் செய்தியாளராக சிறப்பாக சேவையாற்றினார். அவரது ஊடகப் பணிகளை யாழ் அரசாங்க அதிபர் பணிமனை பாராட்டி கௌரவித்திருக்கிறுது. கலாபூஷணம், தேசகீர்த்தி, தேசசக்தி, ஊடகச்சுடர், நிழல்படத் தாரகை முதலான கௌரவங்களையும் அவர் பெற்றிருக்கின்றமை குறிப்பிடத்தக்கது.

ஊடகப் பணிகளுக்கு அப்பால் அகில இலங்கை முஸ்லிம் லீக் வாலிப முன்னணிகளின் சம்மேளனம், ஸ்ரீலங்கா முஸ்லிம் காங்கிரஸ், பள்ளிவாசல் நம்பிக்கையாளர் சபை… என பல முஸ்லிம் அமைப்புகள், கட்சிகள், சங்கங்களில் யாழ் மாவட்டத்தைப் பிரதிநிதித்துவப்படுத்தி அங்கத்துவம் பெற்றிருந்த அவர் இறுதி வரை உற்சாகமாகவும் சுறுசுறுப்புடனும் செயலாற்றி வந்தார். அரசியல், சிவில் சமூகத் தலைவர்களுடன் இணைந்து தமிழ்- முஸ்லிம் நல்லுறவைக் கட்டியெழுப்பும் முயற்சிகளுக்கும் தன்னாலான பங்களிப்பை நல்கி வந்தமை கோடிட்டுக்காட்டத்தக்கது.

அவரது மறைவு குறித்து ஸ்ரீலங்கா முஸ்லிம் மீடியா போரம் தனது ஆழ்ந்த கவலையையும் அனுதாபத்தையும் தெரிவிக்கிறது. அவரது மறுமை வாழ்வு வெற்றி பெற பிரார்த்திக்கிறது.

 வல்ல இறைவன் அவரது பாவங்களை மன்னித்து அவரது அத்தனை நற்கருமங்களையும் ஏற்று அங்கீகரித்து உயர்ந்த சுவனபதியை வழங்குமாறும் அவரது பிரிவினால் துயருற்றிருக்கும் அவரது குடும்பத்தினர், உறவினர், நண்பர்களுக்கு அழகிய பொறுமையை நல்கவும் பிரார்த்திப்போமாக!

 நன்றி

 என். எம். அமீன்                                                                                                                 தலைவர் - ஸ்ரீலங்கா முஸ்லிம் மீடியா போரம்                                                   23.08.2021


Popular posts from this blog

CONTACT US

Sri Lanka Muslim Media Forum #41/2, Vijitha Road, Nedimala, Dehiwala, Sri Lanka Email: muslimmediaforum@gmail.com President Mrs. Furkan Bee Ifthikar ✆ +94 779255098 E-mail:fbifthi@gmail.com General Secretary Mr.   M. J Bishrin Mohamed ✆ +94 775070171 E-mail:njbm54@gmail.com Treasurer Shihar Anees ✆ +94 773763577 E-mail:shiharanees@gmail.com Immediate Past President  NM. Ameen  ✆ +94 772612288 E-mail:nmameen08@gmail.com

முல்லைத்தீவு, கந்தளாயில் ஊடகவியலாளர்கள் தாக்குதல் - ஸ்ரீலங்கா முஸ்லிம் மீடியா போரம் கண்டனம்

  திருகோணமலை மற்றும் முல்லைத்தீவு பிரதேசங்களில் ஊடகப் பணியில் ஈடுபட்ட மூன்று ஊடகவியலாளர்கள் கடந்த சில தினங்களுக்கு முன் தாக்கப்பட்ட சம்பவத்திற்கு ஸ்ரீலங்கா முஸ்லிம் மீடியா போரம் தனது கண்டனத்தை தெரிவித்துக் கொள்கின்றது.   முல்லைத்தீவு மாவட்டத்தில் முறிப்பு என்ற காட்டுப்பகுதியில் மோசடி மர வியாபாரம் குறித்து தகவல்களைத் திரட்டச் சென்ற பிராந்திய ஊடகவியலாளர்களான கணபதிப்பிள்ளை குமணன் , மற்றும் சண்முகம் நவசீலன் ஆகிய இருவரும் கடந்த 12 ஆம் திகதி மோசடி வியாபாரிகளால் தாக்கப்பட்டு காயத்துக்குள்ளாகியுள்ளனர்.   தாக்குதல்களினால் காயங்களுக்கு உள்ளான இவர்கள் இருவரும் இப்போது முல்லைத்தீவு வைத்தியசாலையில் சிகிச்சை பெற்று வருகின்றனர். இதேநேரம் திருகோணமலை கந்தளாயில் விபத்து ஒன்றை அறிக்கையிடச் சென்ற ஐ.ரீ.என். செய்தியாளர் எம்.எச். யூசுப்அக்போபற என்ற இடத்தில் காடையர்கள் சிலரது தாக்குதலுக்குள்ளாகி வைத்தியசாலையில் சிகிச்சை பெற்று வீடு வந்துள்ளார். அவரது புகைப்பட கருவியும்பறிக்கப்பட்டுள்ளது.   ஊடகவியலாளர்கள் தமது கடமையைச் சுதந்திரமாக மேற்கொள்வதற்கு இடையூறு ஏற்படுத்தும் இது போன்ற நபர்கள் தொடர்பில்

அரச வானொலி, ரைகம் விருது வென்ற ஊடகவியலாளர்களுக்கு வாழ்த்துகள்

அண்மையில் இடம் பெற்ற அரச வானொலி விருது வழங்கள் நிகழ்வில் சிறந்த நேரலை மாலை நிகழ்ச்சிக்கான விருது வென்ற எமது போரத்தின் உறுப்பினர் கெப்பிடல் எப் எம் யை சேர்ந்த ஏ. எல் ஜபீர்    சிறந்த கலந்துரையாடல் நிகழ்ச்சிக்கான ஊக்குவிப்பு சான்றிதழ் பெற்ற போரத்தின் உறுப்பினர் பிறை எப் எம் யை சேர்ந்த நயீம் அஹமட் மற்றும் சிறந்த செய்தி அறிக்கையிடலுக்கான ரைகம் விருது வென்ற ரியாஸ் ஹாரிஸ் ஆகியோருக்கு ஶ்ரீலங்கா முஸ்லிம் மீடியா போரம் வாழ்த்துகளை தெரிவித்துக் கொள்கின்றது