Skip to main content

கலைமகள் ஹிதாயா ரிஸ்வியின் தீடீர் மறைவு அதிர்ச்சியளிக்கிறது - ஸ்ரீலங்கா முஸ்லிம் மீடியா போரம் ஆழ்ந்த அனுதாபம்

 


பிரபல கவிஞரும் எழுத்தாளருமான சாய்ந்தமருதைச் சேர்ந்த கலைமகள் ஹிதாயா ரிஸ்வி அவர்களின் திடீர் மரணம் இலக்கியவாதிகளுக்கும் ஊடகத்துறையினருக்கும் பேரதிர்ச்சியை ஏற்படுத்தியுள்ளதாக ஸ்ரீ லங்கா முஸ்லிம் மீடியா போரத்தின் தலைவர் என்.எம். அமீன் விடுத்துள்ள அனுதாபச் செய்தியில் தெரிவித்துள்ளார்.

அதில் மேலும் குறிப்பிடப்பட்டுள்ளதாவது, கலைமகள் ஹிதாயா ரிஸ்வி கவிஞராக, எழுத்தாளராக, சமூகப் பணியாளராக பல்வேறு தளங்களில் பணியாற்றிய ஒருவராவார். இலக்கியத்தின் மீது அதிக ஈடுபாடு கொண்டிருந்த அவர் பல நூல்களை எழுதி வெளியிட்டுள்ளதுடன் பத்திரிகைகளிலும் சஞ்சிகைகளிலும் ஏராளமாக ஆக்கங்களை எழுதி வெளியிட்டுள்ளார். கடந்த சில வருடங்களாக அவர் முகநூல் மூலமாக இலக்கியப் பணிகளை முன்னெடுத்து வந்ததுடன் கடல் கடந்து வாழும் இலக்கியவாதிகளுடனும் சிறந்ததொரு உறவைப்  பேணி வந்தார்.

தடாகம் கலை இலக்கிய வட்டம் எனும் அமைப்பை நிறுவி அதன் ஊடாக ஏராளமான கலை இலக்கிய நிகழ்வுகளை நடாத்தியுள்ளதுடன் தடாகம் எனும் இலக்கிய சஞ்சிகையையும் வெளியிட்டுள்ளார்.

உள்நாட்டிலும் வெளிநாடுகளிலும் நடைபெற்ற பல இலக்கிய மாநாடுகளில் இவர் பங்கேற்றுள்ளதுடன், பல இலக்கிய மாநாடுகளுக்கு உள்நாட்டு இலக்கியவாதிகளையும் அழைத்துச் சென்றுள்ளார். பல இளம் இலக்கியவாதிகளை வெளி உலகுக்கு அறிமுகப்படுத்திய பெருமையும் இவரைச் சாரும். குறிப்பாக முஸ்லிம் பெண் இலக்கியவாதிகள் மத்தியில் மிகுந்த பிரபல்யம் பெற்றிருந்த அவர், தொடர்ச்சியாக இலக்கியப் பணிகளில் தன்னை ஈடுபடுத்தி வந்தவராவார்.

ஊடகத்துறையிலும் ஈடுபாடுகாட்டிய அவர், ஸ்ரீ லங்கா முஸ்லிம் மீடியா போரத்தின் அங்கத்தவருமாவார்.

அந்த வகையில் அன்னாரின் திடீர் இழப்பு கலைத்துறையில் நிரப்ப முடியாத வெற்றிடத்தை ஏற்படுத்தியுள்ளது. அவரது இழப்பினால் துயருறும் குடும்பத்தினர், உறவினர்கள், இலக்கியவாதிகள், ஊடகவியலாளர்கள் அனைவருக்கும் எமது ஆழ்ந்த அனுதாபங்களைத் தெரிவித்துக் கொள்கிறோம்.

எல்லாம் வல்ல அல்லாஹ் அன்னாருக்கு ஜன்னதுல் பிர்தௌஸ் எனும் சுவனபதியை அருள்வானாக..        

என். ஏ. எம். ஸாதிக் ஷிஹான்

பொதுச் செயலாளர்  - ஸ்ரீலங்காமுஸ்லிம் மீடியா போரம்                                                         25.11.2020



Popular posts from this blog

CONTACT US

Sri Lanka Muslim Media Forum #41/2, Vijitha Road, Nedimala, Dehiwala, Sri Lanka Email: muslimmediaforum@gmail.com President Mrs. Furkan Bee Ifthikar ✆ +94 779255098 E-mail:fbifthi@gmail.com General Secretary Mr.   M. J Bishrin Mohamed ✆ +94 775070171 E-mail:njbm54@gmail.com Treasurer Shihar Anees ✆ +94 773763577 E-mail:shiharanees@gmail.com Immediate Past President  NM. Ameen  ✆ +94 772612288 E-mail:nmameen08@gmail.com

முல்லைத்தீவு, கந்தளாயில் ஊடகவியலாளர்கள் தாக்குதல் - ஸ்ரீலங்கா முஸ்லிம் மீடியா போரம் கண்டனம்

  திருகோணமலை மற்றும் முல்லைத்தீவு பிரதேசங்களில் ஊடகப் பணியில் ஈடுபட்ட மூன்று ஊடகவியலாளர்கள் கடந்த சில தினங்களுக்கு முன் தாக்கப்பட்ட சம்பவத்திற்கு ஸ்ரீலங்கா முஸ்லிம் மீடியா போரம் தனது கண்டனத்தை தெரிவித்துக் கொள்கின்றது.   முல்லைத்தீவு மாவட்டத்தில் முறிப்பு என்ற காட்டுப்பகுதியில் மோசடி மர வியாபாரம் குறித்து தகவல்களைத் திரட்டச் சென்ற பிராந்திய ஊடகவியலாளர்களான கணபதிப்பிள்ளை குமணன் , மற்றும் சண்முகம் நவசீலன் ஆகிய இருவரும் கடந்த 12 ஆம் திகதி மோசடி வியாபாரிகளால் தாக்கப்பட்டு காயத்துக்குள்ளாகியுள்ளனர்.   தாக்குதல்களினால் காயங்களுக்கு உள்ளான இவர்கள் இருவரும் இப்போது முல்லைத்தீவு வைத்தியசாலையில் சிகிச்சை பெற்று வருகின்றனர். இதேநேரம் திருகோணமலை கந்தளாயில் விபத்து ஒன்றை அறிக்கையிடச் சென்ற ஐ.ரீ.என். செய்தியாளர் எம்.எச். யூசுப்அக்போபற என்ற இடத்தில் காடையர்கள் சிலரது தாக்குதலுக்குள்ளாகி வைத்தியசாலையில் சிகிச்சை பெற்று வீடு வந்துள்ளார். அவரது புகைப்பட கருவியும்பறிக்கப்பட்டுள்ளது.   ஊடகவியலாளர்கள் தமது கடமையைச் சுதந்திரமாக மேற்கொள்வதற்கு இடையூறு ஏற்படுத்தும் இது போன்ற நபர்கள் தொடர்பில்

அரச வானொலி, ரைகம் விருது வென்ற ஊடகவியலாளர்களுக்கு வாழ்த்துகள்

அண்மையில் இடம் பெற்ற அரச வானொலி விருது வழங்கள் நிகழ்வில் சிறந்த நேரலை மாலை நிகழ்ச்சிக்கான விருது வென்ற எமது போரத்தின் உறுப்பினர் கெப்பிடல் எப் எம் யை சேர்ந்த ஏ. எல் ஜபீர்    சிறந்த கலந்துரையாடல் நிகழ்ச்சிக்கான ஊக்குவிப்பு சான்றிதழ் பெற்ற போரத்தின் உறுப்பினர் பிறை எப் எம் யை சேர்ந்த நயீம் அஹமட் மற்றும் சிறந்த செய்தி அறிக்கையிடலுக்கான ரைகம் விருது வென்ற ரியாஸ் ஹாரிஸ் ஆகியோருக்கு ஶ்ரீலங்கா முஸ்லிம் மீடியா போரம் வாழ்த்துகளை தெரிவித்துக் கொள்கின்றது