Skip to main content

சிரேஷ்ட அறிவிப்பாளரும் ஏ. ஆர். எம். ஜிப்ரியின் மறைவு சமூகத்திற்கும் ஊடகத்துறைக்கும் பேரிழப்பாகும்

ஸ்ரீலங்கா முஸ்லிம் மீடியா போரத்தின் தலைவர் என் எம் அமீன்



இளம் ஊடகவியலாளர்கள் பலரை உருவாக்கிய சிரேஷ்ட அறிவிப்பாளரும்ஊடகவியலாளருமான ஏ. ஆர். எம். ஜிப்ரியின் மறைவு சமூகத்திற்கும் ஊடகத்துறைக்கும் பேரிழப்பாகும் என குறிப்பிட்டுள்ளார்.

இவரது மறைவையிட்டு ஸ்ரீலங்கா முஸ்லிம் மீடியா போரம் அன்னாரது குடும்பத்தினருக்கு ஆழ்ந்த அனுதாபங்களை தெரிவிப்பதுடன்  அன்னார் தனது மறுமை வாழ்வில் ஈடேற்றம் பெற்று உயர்ந்த சுவனத்தை அடைய பிரார்த்திப்பதாகவும் மேலும் தெரிவித்துள்ளார்.

இது தொடர்பில் ஸ்ரீலங்கா முஸ்லிம் மீடியா போரம் விடுத்துள்ள அனுதாபச் செய்தியில் மேலும் குறிப்பிட்டுள்ளதாவது :- மர்ஹ_ம் ஏ ஆர் எம் ஜிப்ரி அவர்கள் கல்முனை உவெஸ்லி உயர்தரப் பாடசாலையில் கல்வி பயின்றுகுண்டசாலை விவசாயக் கல்லூரியில் டிப்ளோமா கற்கை நெறியினை பூர்த்தி செய்த புகழ்பெற்ற விஞ்ஞானப் பாட ஆசிரியராவார்.

களுத்துறை ஜீலான் மத்திய கல்லூரிதொடவத்தை அல் பஹ்ரியா பாடசாலை ஆகியவற்றின் முன்னாள் அதிபராக கல்வி பணியாற்றிய மர்ஹ_ம் ஜிப்ரி அவர்கள் நாடுதழுவிய ரீதியில் தெரிவு செய்யப்பட்ட பத்து அதிபர்களில் ஒருவராக தேர்ந்தெடுக்கப்பட்டதுடன் கல்வி அமைச்சின் குரு பிரதீபா பிரபா விருதையும் பெற்றுள்ளார்.

இலங்கை வானொலியில் அல்லியின் ஹலோ உங்கள் விருப்பம்பாஹிமின் பரவசப் பயணம்அறிவுக் கலஞ்சியம் போன்ற நிகழ்ச்சிகள் வாயிலாக நேயர்களின் விருப்பத்துக்குரிய அறிவிப்பாளராக திகழ்ந்த ஏ.ஆர்.எம். ஜிப்ரிநாடுதழுவிய ரீதியில் பொது அறிவுவிஞ்ஞானம் சார்ந்த விடயங்களை போதிப்பவராகவும் ஊடகத்துறை வளவாளராகவும் பயிற்றுவிப்பாளராகவும் செயற்பட்டு வந்தார்.

வானொலியின் சிறந்த செய்தி வாசிப்பாளராக மக்கள் மனதில் இடம்பிடித்த இவர்இலங்கை ருபவாஹினிக் கூட்டுத்தாபனத்திலும் நீண்டகாலம் செய்தி வாசிப்பாளராகவும்நிகழ்ச்சி முன்வைப்பாளராகவும் கடமையாற்றியுள்ளார். சிறந்த கிரிக்கெட் வர்ணனையாளராகவும் செயற்பட்டதுடன் பத்திரிகைத் துறையிலும் தனது பங்களிப்பை வழங்கி வந்த இவர் அறிவுக் களஞ்சியம் புகழ் ஏ ஆர் எம் ஜிப்ரி என்றே  நேயர்களால் அழைக்கப்பட்டார்.

கல்வித்துறைஊடகத்துறைசமூக மற்றும் அரசியல் என பல்துறை ஆளுமைகளைக் கொண்ட இவர் இனமத பேதமின்றி அனைவருடன் ஒற்றுமையாகவும் ஐக்கியமாகவும் முன்னுதாராணமாக செயற்பட்டதுடன் பல்வேறு உயர் விருதுகளையும் பெற்றுள்ளார்.

சிரேஷ்ட ஊடகவியலாளரான இவர்ஸ்ரீலங்கா முஸ்லிம் மீடியா போரத்தின் சிரேஷ்ட உறுப்பினராகவும் செயற்குழு அங்கத்தவர்ஆலோசகராக செயற்பட்டு வந்த அதேசமயம் மீடியா போரத்தின் உப தலைவர் (2008/2009)> பொருளாளர் (2009/2010) பதவிகளையும் வகித்து போரத்தின் வளர்சிக்காகவும் ஊடகத்துறை வளர்ச்சிக்காகவும் அயராது பாடுபட்டார்.

கல்வித்துறைஊடகத்துறை மற்றும் சமூகத்திற்காக அவர் ஆற்றிய சேவைகளை இறைவன் ஏற்றுக் கொண்டு அன்னாருக்கு உயர் தர சுவன வாழ்வினை வழங்க பிரார்த்திப்பதாகவும் என் எம். அமீன் மேலும் தெரிவித்துள்ளார்.



Popular posts from this blog

CONTACT US

Sri Lanka Muslim Media Forum #41/2, Vijitha Road, Nedimala, Dehiwala, Sri Lanka Email: muslimmediaforum@gmail.com President Mrs. Furkan Bee Ifthikar ✆ +94 779255098 E-mail:fbifthi@gmail.com General Secretary Mr.   M. J Bishrin Mohamed ✆ +94 775070171 E-mail:njbm54@gmail.com Treasurer Shihar Anees ✆ +94 773763577 E-mail:shiharanees@gmail.com Immediate Past President  NM. Ameen  ✆ +94 772612288 E-mail:nmameen08@gmail.com

முல்லைத்தீவு, கந்தளாயில் ஊடகவியலாளர்கள் தாக்குதல் - ஸ்ரீலங்கா முஸ்லிம் மீடியா போரம் கண்டனம்

  திருகோணமலை மற்றும் முல்லைத்தீவு பிரதேசங்களில் ஊடகப் பணியில் ஈடுபட்ட மூன்று ஊடகவியலாளர்கள் கடந்த சில தினங்களுக்கு முன் தாக்கப்பட்ட சம்பவத்திற்கு ஸ்ரீலங்கா முஸ்லிம் மீடியா போரம் தனது கண்டனத்தை தெரிவித்துக் கொள்கின்றது.   முல்லைத்தீவு மாவட்டத்தில் முறிப்பு என்ற காட்டுப்பகுதியில் மோசடி மர வியாபாரம் குறித்து தகவல்களைத் திரட்டச் சென்ற பிராந்திய ஊடகவியலாளர்களான கணபதிப்பிள்ளை குமணன் , மற்றும் சண்முகம் நவசீலன் ஆகிய இருவரும் கடந்த 12 ஆம் திகதி மோசடி வியாபாரிகளால் தாக்கப்பட்டு காயத்துக்குள்ளாகியுள்ளனர்.   தாக்குதல்களினால் காயங்களுக்கு உள்ளான இவர்கள் இருவரும் இப்போது முல்லைத்தீவு வைத்தியசாலையில் சிகிச்சை பெற்று வருகின்றனர். இதேநேரம் திருகோணமலை கந்தளாயில் விபத்து ஒன்றை அறிக்கையிடச் சென்ற ஐ.ரீ.என். செய்தியாளர் எம்.எச். யூசுப்அக்போபற என்ற இடத்தில் காடையர்கள் சிலரது தாக்குதலுக்குள்ளாகி வைத்தியசாலையில் சிகிச்சை பெற்று வீடு வந்துள்ளார். அவரது புகைப்பட கருவியும்பறிக்கப்பட்டுள்ளது.   ஊடகவியலாளர்கள் தமது கடமையைச் சுதந்திரமாக மேற்கொள்வதற்கு இடையூறு ஏற்படுத்தும் இது போன்ற நபர்கள் தொடர்பில்

அரச வானொலி, ரைகம் விருது வென்ற ஊடகவியலாளர்களுக்கு வாழ்த்துகள்

அண்மையில் இடம் பெற்ற அரச வானொலி விருது வழங்கள் நிகழ்வில் சிறந்த நேரலை மாலை நிகழ்ச்சிக்கான விருது வென்ற எமது போரத்தின் உறுப்பினர் கெப்பிடல் எப் எம் யை சேர்ந்த ஏ. எல் ஜபீர்    சிறந்த கலந்துரையாடல் நிகழ்ச்சிக்கான ஊக்குவிப்பு சான்றிதழ் பெற்ற போரத்தின் உறுப்பினர் பிறை எப் எம் யை சேர்ந்த நயீம் அஹமட் மற்றும் சிறந்த செய்தி அறிக்கையிடலுக்கான ரைகம் விருது வென்ற ரியாஸ் ஹாரிஸ் ஆகியோருக்கு ஶ்ரீலங்கா முஸ்லிம் மீடியா போரம் வாழ்த்துகளை தெரிவித்துக் கொள்கின்றது