Skip to main content

ஸ்ரீ லங்கா முஸ்லிம் மீடியா போரத்தின் மூலோபாய திட்டமிடல் பயிற்சி பட்டறை



ஸ்ரீ லங்கா முஸ்லிம் மீடியா போரத்தின் அடுத்த இரண்டு ஆண்டுகளுக்கான மூலோபாய திட்டமிடல் தொடர்பான இரண்டு நாள் பயிற்சி பட்டறை கடந்த சனி மற்றும் ஞாயிற்றுக் கிழமைகளில் (03 & 04.08.2019) கொழும்பில்  இடம்பெற்றது.


ஸ்ரீ லங்கா முஸ்லிம் மீடியா போரத்தின் தலைவர் என்.எம். அமீன் தலைமையில் இடம்பெற்ற இப்பயிற்சி பட்டறையில் மீடியா போரத்தின் சகல செயற்குழு உறுப்பினர்களும் கலந்துகொண்டனர்.


ஸ்ரீ லங்கா முஸ்லிம் மீடியா போரம் முன்னெடுக்கும் செயற்பாடுகளை மேலும் விஸ்தரித்தல், உறுப்பினர்களுக்கான செயற்பாடுகளை அதிகரித்தல் மற்றும் நலன்புரி திட்டங்களை வகுத்தல், ஊடக மற்றும் சமூக சிவில் அமைப்புகளுடன் இணைந்து செயற்படுதல் போன்ற முக்கிய விடயங்கள் மற்றும் எதிர்கால நடவடிக்கைகள் தொடர்பில் இதன்போது விரிவாக ஆராயப்பட்டது.


மேற்படி மூலோபாய திட்டமிடல் பயிற்சி பட்டறையின் வளவாளர்களாக IREX நிறுவனத்தின் பிரதிப் பொறுப்பாளர் எம். சீ. ரஸ்மின், அரசாங்க தகவல் திணைக்களத்தின் முன்னாள் பணிப்பாளர் நாயகமும் IMS எனும் சர்வதேச ஊடக ஒத்துழைப்பு நிறுவனத்தின் ஆலோசகரருமான கலாநிதி ரங்க கலன்ஸூரிய, சமூக ஊடக செயற்பாட்டாளர் நாலக்க குணவர்தன,  மீடியா போரத்தின் தலைவர் என்.எம். அமீன் மற்றும் மீடியா போரத்தின் உபதலைவர் அஸ்கர் காண் ஆகியோர் வளவாளர்களாக கலந்துகொண்ட அதேவேளை மீடியா போரத்தின் நிறைவேற்றுக்குழு உறுப்பினரும்  சுதந்திர ஊடக அமைப்பின் பொருளாளருமான தாஹா முஸம்மில் பயிற்சி நிகழ்ச்சிகளை ஒருங்கிணைப்பு செய்ததோடு மீடியா போரத்தின் உப பொருளாளர் ஜாவீத் முனவ்வர் செயற்பாட்டு நிகழ்ச்சிகளை நடாத்தினார். 


இந்த பயிற்சி பட்டறை மூலம் ஆராயப்பட்ட விடயங்களை அமுல்படுத்தும் வகையில் ஸ்ரீ லங்கா முஸ்லிம் மீடியா போரத்தின் எதிர்வரும் இரண்டு ஆண்டுகளுக்கான செயற்பாடுகள் குறித்த திட்ட வரைபொன்று தயாரிக்கப்படவுள்ளமை குறிப்பிடத்தக்கது.


இப்பயிற்சி பட்டறையின் இறுதி அமர்வில் இலங்கைக்கான பங்களாதேஷ் உயர்ஸ்தானிகர் ரீஸா ஹமீதுல்லா கலந்து சிறப்பித்தார். 










Popular posts from this blog

CONTACT US

Sri Lanka Muslim Media Forum #41/2, Vijitha Road, Nedimala, Dehiwala, Sri Lanka Email: muslimmediaforum@gmail.com President Mrs. Furkan Bee Ifthikar ✆ +94 779255098 E-mail:fbifthi@gmail.com General Secretary Mr.   M. J Bishrin Mohamed ✆ +94 775070171 E-mail:njbm54@gmail.com Treasurer Shihar Anees ✆ +94 773763577 E-mail:shiharanees@gmail.com Immediate Past President  NM. Ameen  ✆ +94 772612288 E-mail:nmameen08@gmail.com

முல்லைத்தீவு, கந்தளாயில் ஊடகவியலாளர்கள் தாக்குதல் - ஸ்ரீலங்கா முஸ்லிம் மீடியா போரம் கண்டனம்

  திருகோணமலை மற்றும் முல்லைத்தீவு பிரதேசங்களில் ஊடகப் பணியில் ஈடுபட்ட மூன்று ஊடகவியலாளர்கள் கடந்த சில தினங்களுக்கு முன் தாக்கப்பட்ட சம்பவத்திற்கு ஸ்ரீலங்கா முஸ்லிம் மீடியா போரம் தனது கண்டனத்தை தெரிவித்துக் கொள்கின்றது.   முல்லைத்தீவு மாவட்டத்தில் முறிப்பு என்ற காட்டுப்பகுதியில் மோசடி மர வியாபாரம் குறித்து தகவல்களைத் திரட்டச் சென்ற பிராந்திய ஊடகவியலாளர்களான கணபதிப்பிள்ளை குமணன் , மற்றும் சண்முகம் நவசீலன் ஆகிய இருவரும் கடந்த 12 ஆம் திகதி மோசடி வியாபாரிகளால் தாக்கப்பட்டு காயத்துக்குள்ளாகியுள்ளனர்.   தாக்குதல்களினால் காயங்களுக்கு உள்ளான இவர்கள் இருவரும் இப்போது முல்லைத்தீவு வைத்தியசாலையில் சிகிச்சை பெற்று வருகின்றனர். இதேநேரம் திருகோணமலை கந்தளாயில் விபத்து ஒன்றை அறிக்கையிடச் சென்ற ஐ.ரீ.என். செய்தியாளர் எம்.எச். யூசுப்அக்போபற என்ற இடத்தில் காடையர்கள் சிலரது தாக்குதலுக்குள்ளாகி வைத்தியசாலையில் சிகிச்சை பெற்று வீடு வந்துள்ளார். அவரது புகைப்பட கருவியும்பறிக்கப்பட்டுள்ளது.   ஊடகவியலாளர்கள் தமது கடமையைச் சுதந்திரமாக மேற்கொள்வதற்கு இடையூறு ஏற்படுத்தும் இது போன்ற நபர்கள் தொடர்பில்

அரச வானொலி, ரைகம் விருது வென்ற ஊடகவியலாளர்களுக்கு வாழ்த்துகள்

அண்மையில் இடம் பெற்ற அரச வானொலி விருது வழங்கள் நிகழ்வில் சிறந்த நேரலை மாலை நிகழ்ச்சிக்கான விருது வென்ற எமது போரத்தின் உறுப்பினர் கெப்பிடல் எப் எம் யை சேர்ந்த ஏ. எல் ஜபீர்    சிறந்த கலந்துரையாடல் நிகழ்ச்சிக்கான ஊக்குவிப்பு சான்றிதழ் பெற்ற போரத்தின் உறுப்பினர் பிறை எப் எம் யை சேர்ந்த நயீம் அஹமட் மற்றும் சிறந்த செய்தி அறிக்கையிடலுக்கான ரைகம் விருது வென்ற ரியாஸ் ஹாரிஸ் ஆகியோருக்கு ஶ்ரீலங்கா முஸ்லிம் மீடியா போரம் வாழ்த்துகளை தெரிவித்துக் கொள்கின்றது