எந்த குறைகளை கண்டாலும் அவற்றுக்கெதிராக குரல்கொடுப்பது ஊடகவியலாளர்களின் மகத்தான பணியாகும் என ரியாத் டெய்லியின் சிரேஷ்ட ஊடகவியலாளர் எம்.சி. ரசூல்தீன் தெரிவித்தார்.  குறுகிய கால விஜயமொன்றை மேற்கொண்டு இலங்கைக்கு வந்துள்ள அவருடன் ஸ்ரீ லங்கா முஸ்லிம் மீடியா போரத்தின் செயற்குழு உறுப்பினர்கள் நேற்று (25.06.2018) கொழும்பில் சந்தித்து கலந்துரையாடினர். மீடியா போரத்தின் தலைவர் என்.எம்  அமீன் தலைமையில் இடம்பெற்ற இந்த சந்திப்பில் கருத்துத் தெரிவிக்கும் போதே அவர் மேற்கண்டவாறு  குறிப்பிட்டார்.  தனது அனுபவங்களை பகிர்ந்துகொண்ட அவர்; ஒரு முறை கலாநிதி பதியுதீன் மஹ்மூத் அவர்களின் காலத்தில், சர்ச்சையான ஒரு சினிமா படம் தொடர்பாக இளைஞர்கள் சிலர் தன்னிடம் தெரிவித்ததை அடுத்து அதனை கலாநிதி பதியுதீன் மஹ்மூத் அவர்களின் கவனத்திற்கு கொண்டுவந்ததை தொடர்ந்து குறித்த சினிமா படத்தை தடை செய்யக்கூடிய சந்தர்ப்பம் ஏற்பட்டதாக அவர் இதன்போது குறிப்பிட்டார்.  இதேவேளை, தற்போதைய நவீன உலகில் சமூக ஊடகங்கள் பெரும் செல்வாக்கு செலுத்துவதாக தெரிவித்த அவர், ஒரு முறை சீனாவில் நிகழ்வொன்றுக்காக அழைக்கப்பட்டிருந்த ஐந்து ஊடகவியல

ஸ்ரீ லங்கா முஸ்லிம் மீடியா போரத்தின் உப தலைவர்களில் ஒருவரும் லேக் ஹவுஸ் தமிழ் பிரசுரங்களுக்கான ஆலோசகருமான அல்-ஹாஜ் எம்.ஏ.எம். நிலாம் அவர்களின் அன்புத் தாயார் ஹாஜியானி ஹபீலா உம்மா ஆரிப் இன்று காலமானார். இன்னாலில்லாஹி வஇன்னா இலைஹி ராஜிஊன். 7 பிள்ளைகளின் அன்புத்தாயாரான அவர் இறக்கும் போது வயது 95 ஆகும். அன்னாரது ஜனாஸா மினுவாங்கொடை, கல்லொழுவை தக்கியா வீதி இல்லத்தில் வைக்கப்பட்டு இன்று இரவு 8.00 மணிக்கு  கல்லொழுவை ஜும்மா பள்ளி மையவாடியில் நல்லடக்கம் செய்யப்படும். அன்னாரது மறைவு தொடர்பில் ஸ்ரீ லங்கா முஸ்லிம் மீடியா போரம் தனது ஆழ்ந்த அனுதாபங்களை தெரிவித்துக்கொள்வதோடு, அன்னாரின் மறுமை வாழ்வுக்காக பிரார்தித்துக்கொள்கிறது. 

ஸ்ரீ லங்கா முஸ்லிம் மீடியா போரத்தின் வருடாந்த மாநாடு (AGM) இன்ஷா அல்லாஹ் எதிர்வரும் ஜூலை மாதம் கொழும்பில் நடைபெறவுள்ளது. அதனை முன்னிட்டு மீடியா டயறியின் (Media Directory) 6வது பதிப்பினை வெளியிட போரத்தின் நிறைவேற்றுக் குழு தீர்மானித்துள்ளதாக ஸ்ரீ லங்கா முஸ்லிம் மீடியா போரத்தின் பொதுச் செயலாளர் ஸாதிக் ஷிஹான் தெரிவித்துள்ளார். அமைச்சுக்கள், அரசாங்க திணைக்களங்கள், கூட்டுத்தாபனங்கள் தூதரகங்கள் மற்றும் ஊடக நிறுவனங்கள் முதலான பல்வேறு முக்கிய தகவல்களை உள்ளடக்கிய இந்த மீடியா டயறியில் வழமை போன்று போரத்தின் அங்கத்தவர்களின் விபரங்கள் உள்ளடக்கப்படவுள்ள அதேசமயம் இதற்கான விண்ணப்பக்காலம் கடந்த 03ஆம் திகதியுடன் நிறைவடைந்துள்ள நிலையில் தபால் சேவை வேலை நிறுத்தத்தினால் ஏற்பட்டுள்ள தாமதம் காரணத்தினால் மேற்படி விண்ணப்பத்திகதி எதிர்வரும் 24ஆம் திகதி வரை நீடிக்கப்பட்டுள்ளதாக அவர் மேலும்  தெரிவித்துள்ளார். முஸ்லிம் மீடியா போரத்தில் அங்கம் வகிக்கும் சகல அங்கத்தவர்களுக்கும் மீடியா டயறி மற்றும் புதிய அடையாள அட்டைக்கான விண்ணப்பப்படிவம் ஏற்கனவே தபால் மூலம் அனுப்பி வைக்கப்பட்டுள்ளதாக தெரிவித்த அவர். தபால் ச