Skip to main content

இராஜதந்திர ஊடகவியல் தொடர்பான சர்வதேச பயிற்சிநெறி துருக்கியில் ஆரம்பம்


இலங்கை உற்பட 15 நாடுகளை சேர்ந்த ஊடகவியலாளர்கள் பங்கேற்பு


துருக்கி அனடோலு ஏஜன்சி ஊடக நிறுவனத்தின் இராஜதந்திர ஊடகவியல் பயிற்சி நெறி கடந்த திங்கட்கிழமை துருக்கி தலைநகரான அங்காராவில் அமைந்துள்ள அனடோலு ஊடக நிறுவனத்தின் தலைமையகத்தில் ஆரம்பமானது.  

தென்கிழக்கு ஐரோப்பிய நாடுகள், தென்கிழக்காசிய நாடுகள் மற்றும் தென்கிழக்கு ஆபிரிக்க பிராத்தியங்களிலுள்ள 15 நாடுகளைச்சேந்த ஊடகவியலாளர்கள் இந்த பயிற்சிநெறியில் பங்கேற்றுள்ளனர். 

துருக்கி பிரதமரின் கீழ் இயங்கும் துருக்கியின் ஒத்துழைப்பு மற்றும் ஒருங்கிணைப்பு நிறுவனத்துடன் Turkish Cooperation and Coordination Agency (TIKA) இணைந்து அனடோலு ஏஜன்சி இந்த பயிற்சி நெறியை நடாத்துகின்றது. 

இந்த பயிற்சி நெறியானது சர்வதேச ஊடகவியலாளர்களுடன் தொடர்பை ஏற்படுத்திக்கொள்ளல், பிராந்தியத்தின் நாடுகளுக்கும், துருக்கியின் பிராந்தியக் கொள்கை அணுகுமுறைக்கும் இடையில் இராஜதந்திர உறவு தொடர்பான அறிவை பங்கேற்பாளர்களுக்கு வழங்குவதோடு, ஏனைய நாடுகளின் இராஜதந்திர ஊடகவியலை தமது நாட்டுடன் ஒப்பிட்டு ஆராயக்கூடிய சந்தர்ப்பத்தையும் வழங்குகின்றது. 

இராஜதந்திர ஊடகவியல், சக்தி இராஜதந்திரம் (Energy Diplomacy), சூழலியல் அரசியல், நாடுகளுக்கிடையிலான கலாச்சார, அரசியல் கட்டமைப்பு, பிராந்திய நாடுகளுக்கிடையிலான முரண்பாடுகளும், தீர்வுகள் போன்ற தலைப்புகளில் சர்வதேச விவகாரங்களில் அனுபவம் வாய்ந்த விரிவுரையாளர்களால் இந்த பயிற்சி நெறியின் போது விரிவுரைகள் நடத்தப்படுகின்றமை குறிப்பிடத்தக்கது.  

இரு வாரங்கள் நடைபெறும் இந்த பயிற்சி நெறியின் ஓர் அங்கமாக துருக்கியின் வெளிவிவகார அமைச்சு, கலாசார அமைச்சு அரச மற்றும் ஊடக நிறுவனங்களுக்கும் பல்வேறு வரலாற்று முக்கியத்துவம்வாய்ந்த பிரதேசங்களுக்கும் பங்கேற்பாளர்கள் விஜயம் செய்யவுள்ளனர்.

துருக்கி அரசாங்கத்திடம் முஸ்லிம் மீடியா போரம் விடுத்த வேண்டுகோளுக்கிணங்க, துருக்கி ஊடக செயலமர்வில் கலந்துகொள்வதற்கு 10 இளம் முஸ்லிம் ஊடகவியலாளர்‌களுக்கு சந்தர்ப்பம் வழங்கப்பட்டுள்ளது. இதன் முதற்கட்டமாக ஸ்ரீலங்கா முஸ்லிம் மீடியா போரத்தின் செயலாளர் ஸாதிக் ஷிஹான், உதவி பொருளாளர் நுஸ்கி முக்தார் ஆகியோர் இலங்கையை பிரதிநிதித்துவப்படுத்தி பங்கேற்றுள்ளமை குறிப்பிடத்தக்கது. 

Popular posts from this blog

CONTACT US

Sri Lanka Muslim Media Forum #41/2, Vijitha Road, Nedimala, Dehiwala, Sri Lanka Email: muslimmediaforum@gmail.com President Mrs. Furkan Bee Ifthikar ✆ +94 779255098 E-mail:fbifthi@gmail.com General Secretary Mr.   M. J Bishrin Mohamed ✆ +94 775070171 E-mail:njbm54@gmail.com Treasurer Shihar Anees ✆ +94 773763577 E-mail:shiharanees@gmail.com Immediate Past President  NM. Ameen  ✆ +94 772612288 E-mail:nmameen08@gmail.com

முல்லைத்தீவு, கந்தளாயில் ஊடகவியலாளர்கள் தாக்குதல் - ஸ்ரீலங்கா முஸ்லிம் மீடியா போரம் கண்டனம்

  திருகோணமலை மற்றும் முல்லைத்தீவு பிரதேசங்களில் ஊடகப் பணியில் ஈடுபட்ட மூன்று ஊடகவியலாளர்கள் கடந்த சில தினங்களுக்கு முன் தாக்கப்பட்ட சம்பவத்திற்கு ஸ்ரீலங்கா முஸ்லிம் மீடியா போரம் தனது கண்டனத்தை தெரிவித்துக் கொள்கின்றது.   முல்லைத்தீவு மாவட்டத்தில் முறிப்பு என்ற காட்டுப்பகுதியில் மோசடி மர வியாபாரம் குறித்து தகவல்களைத் திரட்டச் சென்ற பிராந்திய ஊடகவியலாளர்களான கணபதிப்பிள்ளை குமணன் , மற்றும் சண்முகம் நவசீலன் ஆகிய இருவரும் கடந்த 12 ஆம் திகதி மோசடி வியாபாரிகளால் தாக்கப்பட்டு காயத்துக்குள்ளாகியுள்ளனர்.   தாக்குதல்களினால் காயங்களுக்கு உள்ளான இவர்கள் இருவரும் இப்போது முல்லைத்தீவு வைத்தியசாலையில் சிகிச்சை பெற்று வருகின்றனர். இதேநேரம் திருகோணமலை கந்தளாயில் விபத்து ஒன்றை அறிக்கையிடச் சென்ற ஐ.ரீ.என். செய்தியாளர் எம்.எச். யூசுப்அக்போபற என்ற இடத்தில் காடையர்கள் சிலரது தாக்குதலுக்குள்ளாகி வைத்தியசாலையில் சிகிச்சை பெற்று வீடு வந்துள்ளார். அவரது புகைப்பட கருவியும்பறிக்கப்பட்டுள்ளது.   ஊடகவியலாளர்கள் தமது கடமையைச் சுதந்திரமாக மேற்கொள்வதற்கு இடையூறு ஏற்படுத்தும் இது போன்ற நபர்கள் தொடர்பில்

அரச வானொலி, ரைகம் விருது வென்ற ஊடகவியலாளர்களுக்கு வாழ்த்துகள்

அண்மையில் இடம் பெற்ற அரச வானொலி விருது வழங்கள் நிகழ்வில் சிறந்த நேரலை மாலை நிகழ்ச்சிக்கான விருது வென்ற எமது போரத்தின் உறுப்பினர் கெப்பிடல் எப் எம் யை சேர்ந்த ஏ. எல் ஜபீர்    சிறந்த கலந்துரையாடல் நிகழ்ச்சிக்கான ஊக்குவிப்பு சான்றிதழ் பெற்ற போரத்தின் உறுப்பினர் பிறை எப் எம் யை சேர்ந்த நயீம் அஹமட் மற்றும் சிறந்த செய்தி அறிக்கையிடலுக்கான ரைகம் விருது வென்ற ரியாஸ் ஹாரிஸ் ஆகியோருக்கு ஶ்ரீலங்கா முஸ்லிம் மீடியா போரம் வாழ்த்துகளை தெரிவித்துக் கொள்கின்றது