Skip to main content

Posts

Showing posts from April, 2018

ஸாதிக் ஷிஹான் மற்றும் நுஸ்கி முக்தார் துருக்கி ஊடக செயலமர்வில் பங்‌கேற்பு

துருக்கியின் தலைநகரான அங்காரவில் இரு வாரங்கள் நடைபெறவுள்ள இராஜதந்திர ஊடகவியல் (Diplomacy Journalism) தொடர்பான பயிற்சிநெறி மற்றும் பிராந்திய வெளிநாட்டு கொள்கை தொடர்பான மாநாட்டில் கலந்துகொள்வதற்காக ஸ்ரீலங்கா முஸ்லிம் மீடியா போரம் செயற்குழு உறுப்பினர்கள் இருவர் இன்று (28) துருக்கி நோக்கி பயணமானார்கள். துருக்கி அரசாங்கத்திடம் முஸ்லிம் மீடியா போரம் விடுத்த வேண்டுகோளுக்கிணங்க, துருக்கி ஊடக செயலமர்வில் கலந்துகொள்வதற்கு 10 இளம் முஸ்லிம் ஊடகவியலாளர்‌களுக்கு சந்தர்ப்பம் வழங்கப்பட்டுள்ளது. இதன் முதற்கட்டமாக ஸ்ரீலங்கா முஸ்லிம் மீடியா போரத்தின் செயலாளர் ஸாதிக் ஷிஹான், உதவி பொருளாளர் நுஸ்கி முக்தார் ஆகியோர் துருக்கி பயணமாகியுள்ளனர்.  முஸ்லிம் மீடியா போரத்தினால் துருக்கி அரசாங்கத்துக்கு பரிந்துரை செய்யப்பட்ட 10 இளம் ஊடகவியலாளர்களில் ஏனைய 8 பேரும், தலா 2 பேர் வீதம் அடுத்தடுத்து நடைபெறும் ஊடகத்துறை பயிற்சிநெறியில் கலந்துகொள்ளவுள்ளமை குறிப்பிடத்தக்கது.  அண்மையில் இலங்கைக்கு விஜயம் செய்த துருக்கியின் முன்னாள் பிரதமரும் ஜனாதிபதி அர்துகானின் ஆலோசகருமான பேராசிரியர் தாவூத் டொக்லேவி

எஸ். பி. சி தாஸிமின் மறைவூக்கு ஸ்ரீ லங்கா முஸ்லிம் மீடியா போரம் அனுதாபம்

மாளிகாவத்தை வை.எம்.எம்.ஏ தேசிய கவுன்ஸிலின் ஸ்தாபகரும் நாடறிந்த சமூக சேவையாளருமான எஸ். பி. சி தாஸிமின் மறைவு முஸ்லிம் சமூகத்திற்கு பேரிழப்பாகும் என்று ஸ்ரீலங்கா முஸ்லிம் மீடியா போரம் தெரிவித்துள்ளது. இது தொடர்பில் மீடியா போரம் விடுத்துள்ள அனுதாப செய்தியில் மேலும் குறிப்பிட்டுள்ளதாவது:- எமது ஸ்ரீலங்கா முஸ்லிம் மீடியா போரத்தின் ஸ்தாபக தலைவர் மர்ஹூம் அல்ஹாஜ் எஸ். பி. சி ஹலால்டீனின் மூத்த சகோதரரான மர்ஹூம் தாஸிம் அவர்கள் போரத்தின் வளர்ச்சிக்காகவும் பல்வேறு பங்களிப்புக்களை வழங்கியூள்ளார். இலங்கை வாழ் முஸ்லிம்கள் குறிப்பாக முஸ்லிம் இளைஞர்களின் எதிர்கால நலனுக்காக பாடுபட்ட இவர் மாளிகாவத்தையில் வை.எம்.எம்.ஏ (முஸ்லிம் வாலிபர் சங்க) தேசிய கவுன்ஸிலை ஸ்தாபித்து அதன் மூலம் தாய் நாட்டிற்கும் குறிப்பாக முஸ்லிம் இளைஞர் யுவதிகளுக்கும் பல்வேறு சேவைகளை ஆற்றிய சிறந்த ஒரு முன்னணி சமூக சேவையாளராவார். தனது சகோதரரான எமது போரத்தின் ஸ்தாபகர் எஸ் பி சி ஹலால்டீனின் மனைவியான இலங்கையின் முதலாவது பயிற்றப்பட்ட ஆசிரியை மர்ஹூமா பாத்துமுத்து ஹலால்டீனின் பெயரில் அமைப்பு ஒன்றை உருவாக்கி அதன் மூலம் வரு

பிரதேச ஊடகவியலாளர் அறூஸ் மீதான தாக்குதலுக்கு முஸ்லிம் மீடியா போரம் கண்டனம்

அட்டாளைச்சேனை பிரதேச ஊடகவியலாளரான எஸ். எம். அறூஸ் அட்டாளைச்சேனை பிரதேச சபை உறுப்பினர் தமீம் ஆப்தீன் என்பவரால் தாக்கப்பட்ட சம்பவத்தை ஸ்ரீலங்கா முஸ்லிம் மீடியா போரம் வன்மையாக கண்டிக்கிறது. சம்பவம் தொடர்பில் ஸ்ரீலங்கா முஸ்லிம் மீடியா போரத்தின் பொதுச் செயலாளர் ஸாதிக் ஷிஹான் வெளியிட்டுள்ள அறிக்கையில் மேலும் தெரிவிக்கப்பட்டுள்ளதாவது; கடந்த செவ்வாய்க்கிழமை இடம்பெற்ற அட்டாளைச்சேனை பிரதேச சபையின் அமர்வு தொடர்பாக ஊடகவியலாளர் எஸ்.எம்.அறூஸினால் எழுதப்பட்ட செய்திகள் நேற்றைய தினம் (11.04.2018) ஊடகங்களில் வெளிவந்துள்ளன. இது தொடர்பில் ஆத்திரமுட்டுள்ள ஸ்ரீலங்கா முஸ்லிம் காங்கிரஸை பிரதிநிதித்துவப்படுத்தும் அட்டாளைச்சேனை பிரதேச சபை உறுப்பினர் தமீம் ஆப்தீன் ஊடகவியலாளர் அறூஸூக்கு தொலைப்பேசி மூலம் அச்சுறுத்தல் விடுத்துள்ள அதேசமயம் அவரது நண்பரது வீட்டில் வைத்து தாக்குதல் நடத்தியுள்ளார். இந்த சம்பவத்தை அடுத்து அக்கரைப்பற்று ஆதார வைத்தியாசலையில் அனுமிக்கப்பட்ட ஊடகவியலாளர் அறூஸ் சிகிச்சை பெற்ற பின்னர் நேற்று இரவு வீடு திரும்பியுள்ளார். நிகழ்வுகளை உரிய முறையில் அறிக்கையிடுவதும் உண்மையை மக்கள் மத்தியில்

கல்எளிய முஸ்லிம் மகளிர் அரபுக் கல்லூரியில் இடம்பெற்ற முஸ்லிம் மீடியா போரத்தின் 59ஆவது ஊடக செயலமர்வு

ஸ்ரீ லங்கா முஸ்லிம் மீடியா போரம் ஏற்பாடு செய்த 59ஆவது ஊடக செயலமர்வு கல்எளிய முஸ்லிம் மகளிர் அரபுக் கல்லூரியில் கடந்த சனிக்கிழமை (2018.03.31) மிகவவும் சிறப்பாக நடைபெற்றது.  போரத்தின் தலைவரும் நவமணி பத்திரிகையின் பிரதம ஆசிரியருமான அல்ஹாஜ் என்.எம். அமீன் தலைமையில் நடைபெற்ற இந்த நிகழ்வில் மேற்படி கல்லூரியின் முகாமைத்துவ சபைத் தலைவர் பொறியியலாளர் எஸ்.ஏ.சி முஹம்மட் சுபைர் பிரதம அதிதியாக கலந்து சிறப்பித்தார். "21ஆவது நூற்றாண்டில் ஊடகம்" என்ற தொனிப் பொருளில் நடைபெற்ற இந்த செயலமர்வில் கல்லூரியைச் சேர்ந்த சுமார் 300 மாணவர்களும் 50 ஆசிரியர்களும் கலந்து சிறப்பித்தனர். இந்த அமர்வுகளில் மீடியா போரத்தின் தலைவர் என். எம். அமீன், தர்ஹா நகர் கல்வியியல் கல்லூரியின் முன்னாள் உப பீடாதிபதி கலைவாதி கலீல், விடிவெள்ளி பத்திரிகையின் ஆசிரியர் எம். பி. எம். பைரூஸ், நகர திட்டமிடல் மற்றும் நீர்வழங்கள் அமைச்சின் ஊடகப் பணிப்பாளர் ஏ. ஹில்மி முஹம்மத், மற்றும் ஊடகவியலாளர் பிரோஸ் முஹம்மட் ஆகியோர் வளவாளர்களாக கலந்து கொண்டனர். பயிற்சிக்கும் அபிவிருத்திக்குமான சர்வதேச கலாச்சார நிலையத்தின் பணிப்பாளர் மௌலவி