ஸ்ரீலங்கா முஸ்லிம் மீடியா போரத்தின் 48ஆவது ஊடக செயலமர்வு ஹந்தஸ்ஸ அல்மனார் தேசிய பாடசலையில் நேற்றுமுன்தினம் சனிக்கிழமை நடைபெற்றது. இந்த செயலமைர்வை கண்டி உடுநுவரை பிரதர்ஸ் அமைப்பு ஏற்பாடு செய்திருந்தது. இந்த ஒருநாள் செயலமர்வில் உயர்தரத்தில் கல்விகற்கும் மற்றும் பல்கலைக்கழக தெரிவுக்காக காத்திருக்கும் 107 மாணவர்கள் கலந்துகொண்டனர். ஸ்ரீலங்கா முஸ்லிம் மீடியா போரத்தின் தலைவரும் நவமணி பிரதம ஆசிரியருமான என்.எம். ஊடகம் பற்றிய அறிமுகவுரையையும், உப தலைவர் தாஹா முஸம்மில் ‘ஊடக அடிப்படையியல்’ என்ற தலைப்பிலும், பொருளாளர் ஏ.எச்.எம். பாயிஸ் ‘ஊடகம் ஒரு சமூக நோக்கு’ என்ற தலைப்பிலும், தினகரன் ஊடகவியலாளர் ஸாதிக் சிஹான் 'ஊடகங்களின் கட்டமைப்பு' என்ற தலைப்பிலும், கலைவாதி கலீல் ‘ஊடகங்களில் தமிழ் மொழி’ என்ற தலைப்பிலும், நவமணி ஊடகவியலாளர் பிறவ்ஸ் முஹம்மட் ‘சமூக ஊடகங்களின் தாக்கம்’ என்ற தலைப்பிலும் விரிவுரைகளை நடாத்தினார்கள். மேலும் இச்செயலமர்வில் மீடியா போரத்தின் உபதலைவரும் தினகரன் தமிழ் பதிப்புகளுக்கு பொறுப்பாளருமான எம்.ஏ.எம். நிலாம், பத்தி எழுத்தாளர் சட்டத்தரணி ஏ.எம்.வைஸ், பத்திரிகை முறைப்பாட்

ஸ்ரீலங்கா முஸ்லிம் மீடியா போரத்தின் மூத்த உறுப்பினரான உடதலவின்னையினைச் சேர்ந்த பீ.புன்னியமீன் இன்று காலை காலமானார். இவர் - மூத்த ஊடகவியலாளரும், எழுத்தாளரும், ஆசிரியருமாவார். சுகயீனம் காரணமாக கண்டியிலுள்ள வைத்தியசாலையொன்றில் சிகிச்சை பெற்று வந்த நிலையிலேயே இவர் காலமானார். இவரின் ஜனாஸா நல்லடக்கம் தொடர்பான விபரம் பின்னர் அறிவிக்கப்படும் என அவரது குடும்பத்தினர் அறிவித்தனர். இவரின் மரணம், ஊடகத் துறை, கல்வித் துறை மற்றும் எழுத்துத் துறை ஆகியவற்று பாரிய இழப்பாகும் என ஸ்ரீலங்கா முஸ்லிம் மீடியா போரம் தெரிவித்தது. விக்கிபீடியாவில் தமிழில் அதிகமான விடயங்களை பதிவேற்றியவர் என்ற பெருமையும் இவரையே சாரும் என மீடியா போரம் குறிப்பிட்டது. இது தொடர்பில் ஸ்ரீலங்கா முஸ்லிம் மீடியா போரத்தின் தலைவர் என்.எம்.அமீன் வெளியிட்டுள்ள அனுதாப அறிக்கையிலேயே மேற்கண்டவாறு தெரிவிக்கப்பட்டுள்ளதுடன் இவரது குடும்பத்திற்கு மீடியா போரம் ஆழ்ந்த அனுதாபங்களையும் தெரிவித்துள்ளது. ஸ்ரீலங்கா முஸ்லிம் மீடியா போரம் 10 மார்ச் 2016